Einn...ágætur

Three guys and a lady were sitting at the bar talking about their professions.

The first guy says " I'm a Y.U.P.P.I.E, you know   Young, Urban, Professional, Peaceful, Intelligent, Ecologist."

The second guy says "I'm a D.I.N.K, you know   Double Income, No Kids."

The third guy says, " I'm a R.U.B, you know   Rich, Urban, Biker."

They turn to the woman and ask her, " What are you? "

She replies: " I'm a WIFE, you know   Wash, Iron, Fuck, Etc."

"blöðrutal"...

Sótti eldri börnin á frjálsíþróttaæfingu eftir vinnu.  Vorum að keyra heim og útvarpið var á.  Auglýsing um nýja smokka á markaðnum hljómaði í útvarpinu og skondinn svipur sást á gutta.  Ég ákvað að fíflast aðeins og spyr stráksa hvort hann sé búinn að kaupa sér pakka... "huhh neihh ég ætla sko aldrei að kaupa mér smokka sko"  ég benti honum eða réttara sagt þeim báðum systkinunum á það að það væri  nú betra að nota smokka því að margt gæti nú smitast t.d. HIV.  En benti þeim líka á það að við myndum bíða með frekari umræðu þar sem þau ætluðu nú ekkert að fara að fikta neitt í þessum málum á næstunni.   *díll*??? OHH MAMMA!!!!!!!! Eitthvað fannst þeim mamma fara út á vandræðalegt umræðuefni haha...   en já vona nú að það séu nokkur ár í að þau fari að stunda kynlíf.  Vil eiginlega ekki hugsa út í það að litlu litlu börnin mín stækki óðum og þroskist Meina það var nú bara rétt í gær sem ég hélt á þeim agnarsmáum.... eða svo finnst mér eiginlega

Eitt er þó víst, ég mun eiga spjall við þau, aðeins tímanlegar en hún mútta átti við mig.  Var 17 ára og búin að vera í strákastússi í þónokkurn tíma og átti kærasta, þegar mamma vandræðaleg spurði... "Sólrún þú ert á pillunni er það ekki?"  Þar með var það samtal búið......

Vetur konungur knýr dyra....

og ég verð að segja það að ég er ekkert óskaplega fúl.  Ég elska snjó (samt varla hægt að segja að það sé snjór núna, rétt svo föl).  Elska að verða krakki á ný og fara út í snjóinn að leika með börnunum, búa til snjókarl, snjóvirki, snjóhús, fara í snjókast og renna.  Eina sem mér finnst mínus við blessaðan snjóinn er hálkan sem fylgir.  Umferðin verður öll þyngri og já margir spólandi á sumardekkjunum og fastir hér og þar.  Sem minnir mig á það að heilsársdekkin mín eru eitthvað farin að tapa virkni og þarf ég því að fara að endurnýja dekkjakost heimilisins.  Spurning samt hvort og hvenær maður fær tíma í umfelgun hehe.  Náttúrulega lang klárast að eiga vetrardekkin á auka felgum bara.  En maður er ekki alltaf klár

Talandi um að vera klár.  Ég hef nú ekki litið á mig sem alvitlausa.  Eeeeeeeeeeen óbojj ég er annsi klár í einu.  Það er að koma mér í vandræði með ýmis mál og þá helst karlmenn.  Vinkona mín líkir mér við Reevu Shane í einhverri sápu sýndri á RÚV  Kannski ekki skrítið að þær hringi reglulega og biðji um "update" ....  en öllu furðulegra finnst mér þó að þrátt fyrir þessa trú þeirra á fjörugu ástarlífi mínu, þá kúri ég nú oftast ein heima með honum voffa mínum flest kvöld.....

hér er mynd af okkur "skötuhjúunum" að kúra

 

The greatest thing you´ll ever learn, is just to love and be loved in return.

Bakarí Jóa Fel..... þvílíka krimmabúllan...

Horfði á nýja þáttinn með Loga í gærkvöldi.  Fannst ótrúlega gaman að þættinum af þeirri ástæðu að í honum var ein af uppáhalds hljómsveitum mínum frá því ég var yngri, eða Nýdönsk. Naut þess að hlusta á brot úr mörgum lögum þeirra Líka ótrúlega fyndið að sjá brot úr myndböndunum..ótrúlega hallærisleg flest

Annars fékk ég þvílíka sjokkið í dag.  Á meðan "litla" skottan mín skottaðist í afmæli.  Þá fór ég með eldri börnin í Smáralind í skóleiðangur. Stráksa vantaði skó í frjálsar og yngri skottuna skó í körfuna.  En jæja eftir verslunarleiðangurinn ákvað ég að bjóða börnunum upp á smá hressingu hjá Jóa Fel.  Við fengum okkur: tvo litla kakóskammta, einn stóran, tvær samlokur m skinku, osti og ananas, eina ostaslaufu og einn langa jón sem var skipt á milli barnanna.  Herlegheitin kostuðu AÐEINS 2800 krónur!!! Ekki skrítið að það er ekkert verðmerkt í borðinu hjá þeim, því það myndi enginn blekkjast til þess að versla þar neitt af ráði.  T.d. komst ég að því að ein ostaslaufa kostar um eða yfir 300 krónur, lítið kakóglas 250 kr, stærra kakóglasið 375 kr... já og svo mætti lengi telja.  Held að það verði langt í það að ég bjóði börnunum aftur upp á kræsingar þarna.  Ég er kannski nirfill, en þvílíkt sem ég sá eftir aurunum

Er að spá í að virkja smiðinn í mér.  Langar svo að gera herbergið mitt flott  Langar að kaupa mér mdf plötu, svamp og leður eða eitthvað töff efni og útbúa mér höfuðgafl. þ.e. bólstra plötu með svampi og efni og festa á vegginn við höfuðgaflinn.  Ætla svo að útbúa mér kistil við enda rúmsins (herbergið er svo lítið) undir ýmislegt dótarí.... og þar sem fatasláin mín kemst ekki lengur fyrir í herberginu út af nýja rúminu... þá er ég svona að bræða með mér hvað ég geri í þeim málum.

Eigið góða helgi..... ta ta

 

Í dag er....

ár síðan minn fyrrverandi tilkynnti mér það að hann væri orðinn hrifinn af annarri og flutti út með því sama og inn til þeirrar konu.  Á þessu ári hefur mikið gengið á og jahh alls ekki allt gott.  Það liðu ekki nema u.þ.b. þrír mánuðir þar til hann vildi fara að koma til baka, og þannig hefur það verið síðan.  Samt býr hann með blessaðri konunni *karlmenn dæS*

Ég aftur á móti er orðin svo sátt við það að vera ein með börnin mín.  Okkur líður öllum vel og erum mjög samhent öll sömul  Þannig held ég að hlutirnir verði eitthvað lengur þar sem mér finnst nú frekar erfitt að hleypa karlmönnum of nærri.  Auðvitað vantar mann oft einhvern til að kúra og knúsa og allt það..... en börnin mín eiga það skilið að ég einbeiti mér að þeim og vinni að því að koma öllu í rétt horf áður en farið er út í eitthvað meira.  Þau eiga ekki föður sem sinnir þeim mikið svo að það kemur í minn hlut að vera eiginlega mamman og pabbinn eins og er, þegar maður er stór og mikill þá er það nú ekki mikið mál hehe.

ég og börnin vorum í dag að ræða síðustu jól.  Það voru jólin sem komu varla.  Við settum ekki upp jólatré, skreyttum ekkert, né nokkuð annað sem talist gæti jólalegt var gert hér heima.  Sem betur fer þá eyddum við öllum jólunum hjá foreldrum mínum þannig að börnin fengu einhver jól.  Það sem við höfum ákveðið er að halda mikil jól núna.  Við ætlum að skreyta hátt og lágt enda til óhugnarlega mikið af jólaskrauti hér (margir kassar fullir af æðislegu jóladóti), stóra jólatréð okkar verður sett upp og ljós sett á hverja grein eins og ég eyði vanalega e-h klukkutímum í (vanalega yfir 1000 ljós).  Okkur er farið að hlakka pínu til, enda eiga þetta að verða ofskreyttustu jólin hehe.

Í dag versluðum við meira að segja þrjár jólagjafir í viðbót, erum þá búin með 5 af systkinabörnum mínum og eigum þá 4 þeirra eftir auk nokkrar aðrar gjafir.  Þær ætla ég að vera búin að versla fyrir desember, þar sem að þann mánuðinn vil ég geta slakað á og dúllað mér með börnunum.

En jæja nóg í bili...kannski ég hafi eitthvað að segja næstu daga hehe... ekki hefur komið mikið héðan upp á síðkastið, einhver bloggleti í gangi.

Mér er kalt á tánum....ég segi það satt...

ég er skólaus og skjálfandi og hef engan hatt....*raul*...Það er drullukalt.... ekki nóg með að það sé kalt úti heldur er bara asskoti kalt hér inni hjá mér líka.  Enda engir smá gluggar sem að blæs inn um ef ég hef þá opna.   Svo vilja þessir blessuðu svalagluggar fjúka upp við minnsta rok eða gegnumtrekk..... Svosem búin að loka einhverjum gluggum, en tjahh hefði kannski verið betra að skella sér í eitthvað annað en stutt gallapils, ullarsokka og inniskó Svo að ég er hætt að væla.......get sjálfri mér kennt um ef mér er kalt

Fékk nýjan "skeiðvöll" í dag eins og vinur minn vildi kalla nýja rúmið mitt.... ohh það er svoooo gott að leggjast í það.  Munaði litlu að ég segði bara börnunum að redda sér og skriði bara undir sæng að kúra hlakka allavegana til að skríða upp í glænýtt og nýumbúið rúm í kvöld, svo mikið er víst

En hvað er málið með það að vikan klárast nærri því þegar mér finnst hún rétt að byrja??? Finnst stundum eins og það séu þrír virkir dagar í vikunni...svo bara helgarfrí.  Thíhí kannski vegna þess að ég á alltaf mánudagana fría og get bara notað þá í það sem ég vil Ætli það sé ekki málið?

Helgin er við það að banka að dyrum og ég hef ekki hugmynd hvað ég á að gera, verð að öllum líkindum ein, og jahh spurning hvort einhver vilji taka mig að sér Anyone???

Barnalán...

Fólk sem ég þekki vel (vinir í gegnum fyrrverandi) eignaðist í dag sitt 5. barn (jahh núna í gær víst).  Sjálf á ég 3 börn og finnst það bara alveg þrælfín tala.  Er ekki á planinu að bæta við hvorki núna né í framtíðinni (enda mr.draumaprins hvort eð er ekki á svæðinu).  Ekki nóg með að þau hafi eignast sitt 5. barn heldur eignuðust þau sinn 4. strák  Hefur alltaf verið mjöööög fjörugt heima hjá þeim og get ég mér til um að það verði enn fjörugra í nánustu framtíð.

Þó ég sé algjör barnakerling þá sé ég mig ekki alveg fyrir mér hrúga niður börnum í 15 ár.  Orðið nokkuð ljúft hjá manni þegar yngsta er orðið 9 ára gamalt  Eitthvað vilja þó þessir spámiðlar sem ég hef farið til bæta einum strák í safnið.... hmmmmm ekki alveg að gúddera það sko, er ekki alltaf sagt að maður geti breytt því sem á að verða hehe  Hér eftir er það bara skírlífi ef það er það eina sem dugar

 

Ég og ljótan vinkona mín...

Síðustu vikuna þá hef ég verið í stríði við vinkonu mína ljótuna.  Tek þetta stig af stigi, enda þokkaleg barátta finnst mér 

Síðustu daga hef ég....

Sett french, og gel yfir neglurnar á mér.  Orðin svakalega fín um hendurnar. Spurning hvort maður fari næst í að gera táslurnar "sætar"

Brúnirnar eru litaðar og vel plokkaðar (ef ég held áfram að plokka þá verður lítið eftir af þeim)

Keypti mér maska sem á að gera kraftaverk og fríska þvílíkt upp á mann, nota hann óspart og er enn að bíða eftir kraftaverkinu... en jú jú frískandi samt

Keypti mér einnig augngel sem kælir og dregur úr þreytu og þrota. Ekki veitir af þar sem að eftir að ég fór að auka svefninn þá er ég myglaðri en ég hef nokkurntíman verið.

Í dag var það svo allsherjar vaxmeðferð....

Nú er bara spurningin hvað ég geri næst Tillögur???

Annars er það merkilegt með okkur kellurnar og ljótuna vinkonu okkar.  Við fáum þá tilfinningu að við séum svo hræðilega útlítandi.  En oft virðast fáir aðrir sjá það.  Um helgina hitti ég kunningja minn og mér leið eins og ég væri með bauga niður að hnjám og jáhh ekkert voðalega aðlaðandi... En mér leið nú svolítið betur þegar hann einmitt laumaði því að mér að ég væri alltaf jafn "sæt".  Á bara við eitt vandamál að stríða.....kann ekki að taka slíku hóli... eða hvað maður ætti að kalla það.

Sá brot úr Oprah þætti um daginn.  Þar var sagt að við konurnar ættum alltaf að fara út í búð eins tilhafðar og við værum vissar um að hitta draumaprinsinn (eitthvað í þeim dúr).  Eins gott að ég hitti draumaprinsinn minn ekki í bónus...því að oftast fer ég þangað, ómáluð og i kósífötunum mínum... sem eru ekki alveg veiðihæf haha.

En í dag er það María sem fær dekur Eins gott að standa við orð sín sko...  Sjálf bíð ég eftir að verða svo heppin að fá dekur í vinnunni...svona þegar tækifæri gefst *dreym*

Sólbaðsstofa fallega fólksins....

Það er auglýsing sem heyrist oft í útvarpinu frá ljósastofu.  Man ekki hvernig hún er orðrétt en hún er eitthvað á þá leið "sól 101 sólbaðsstofa fallega fólksins"  Dóttlan mín var fljót að grípa það, horfði á mig og sagði "mamma þú getur farið í ljós þar" hehehe....... hvar væri egóið ef börnin væru ekki svona dugleg að hrósa manni?

Verkefni vikunnar er að siða hundinn til... Hann á það til að gelta þegar vissar persónur ganga fram hjá hurðinni, og þegar karlmenn voga sér að koma í heimsókn. Einnig þegar hann veit að ég er á leiðinni heim (þá verður minn svo spenntur).  Keypti úðabrúsa í dag og nú fær hvutti úða á sig þegar hann vogar sér að gelta við hurðina.... Svei mér þá ef þetta er barasta ekki að virka strax fyrsta daginn vona það allavegana, hann er svo mikið yndi þessi elska.... fyrir utan þennan ókost.

Frí á morgun, ætli maður skelli sér ekki í tiltektina sem átti að fara fram um helgina.  Ótrúlegt hvað maður getur látið letina ná tökum á sér..... enda er ég heimsins lélegast húsmóðir *dæs*

Laugardagur til lukku...

Jæja laugardagskvöld og enn beila ég á djammi... var búin að lofa Sif snyrtiskvísu að koma í kveðjupartý til hennar á skagann þar sem hún er að fara til Spánar í spænskunám.  Var einnig boðið á djamm á Selfossi og hvað haldið þið... mín situr heima. Rólegt og gott bara.  Sif mín, verð bara að kíkja á þig síðar *knús og kossar* Nói... sorry ég veit að ég er léleg

Ég Aron Pétur og Áróra Lind fórum að horfa á Anítu Ýr á körfuboltaæfingu í dag.  Hún er búin að æfa í u.þ.b. 3 vikur og er bara að verða asskoti góð í boltanum stelpan *mont*  Gerði sér lítið fyrir í dag og vann strákana og stelpurnar (sumir búnir að æfa í 1-2 ár) í einhverri körfuskotkeppni (kann ekki að útskýra betur).  Hún er svo að njóta sín í körfunni og blómstrar þar hreint og beint, þjálfarinn telur hana gott efni í körfuna þar sem hún er há og lipur...kemur bara í ljós. Fékk körfubolta frá þjálfaranum í vikunni (fengu öll) og dobblaði ömmu sína til að gefa sér merktan körfuboltabúning, og auðvitað er stelpan með sama númerið og ég var með í den, lucky number 13. 

jæja spurning um að finna einhverja rómó þvælu og skella í tækið, kúra svo við kertaljós og láta sig dreyma hehe....... læt það allavegana nægja